ການຄຸ້ມຄອງບໍລິຫານອົງກອນ (Organizational Management)

 

ໃນວັນອາທິດທີ່ແດດຈ້າ, ນາງ ສົມຈິດ ຜູ້ອຳນວຍການອົງການພັດທະນາຊຸມຊົນ ແລະ ທ່ານ ວິໄລ ຜູ້ຈັດການໂຄງການໃໝ່ ໄດ້ນັດພົບກັນທີ່ຮ້ານກາເຟແຫ່ງໜຶ່ງ ໃຈກາງນະຄອນຫຼວງວຽງຈັນ. ທັງສອງຕັ້ງໃຈຈະສົນທະນາກ່ຽວກັບການຄຸ້ມຄອງບໍລິຫານອົງກອນໂດຍໃຊ້ກອບຄິດ POLC ເພື່ອປັບປຸງການເຮັດວຽກຂອງອົງການ. ຫຼັງຈາກສັ່ງເຄື່ອງດື່ມ ແລະ ທັກທາຍກັນ, ທັງສອງກໍເລີ່ມການສົນທະນາຢ່າງເປັນກັນເອງ.

ນາງ ສົມຈິດ: ສະບາຍດີ ທ່ານ ວິໄລ. ມື້ນີ້ຂ້ອຍຢາກສົນທະນາກັບທ່ານກ່ຽວກັບການຄຸ້ມຄອງບໍລິຫານອົງກອນ. ທ່ານພໍຈະມີເວລາບໍ?

ທ່ານ ວິໄລ: ສະບາຍດີ ນາງ ສົມຈິດ. ແນ່ນອນ, ຂ້ອຍມີເວລາ. ເຄີຍໄດ້ຍັນວ່າ ການໃຊ້ກອບຄິດ POLC ຊ່ວຍໃນການຄຸ້ມຄອງບໍລິຫານອົງກອນ ມັນແມ່ນຫຍັງກັນແທ້?

ນາງ ສົມຈິດ: POLC ແມ່ນຫຍໍ້ມາຈາກ Planning (ການວາງແຜນ), Organizing (ການຈັດຕັ້ງ), Leading (ການນຳພາ), ແລະ Controlling (ການຄວບຄຸມ). ມັນເປັນກອບວຽກທີ່ສຳຄັນໃນການຄຸ້ມຄອງບໍລິຫານອົງກອນ. ທ່ານເຄີຍໄດ້ຍິນກ່ຽວກັບມັນບໍ?

"ຄູຝຶກ ຜູ້ນຳພາການຮຽນຮູ້ແບບມີສ່ວນຮ່ວມ" (ຕອນທີ 3)

ບົດສະຫຼຸບ: ການປັບໃຊ້ແນວຄິດ "ຄູຝຶກ ຜູ້ນຳພາການຮຽນຮູ້ແບບມີສ່ວນຮ່ວມ" ໃນບໍລິບົດຂອງລາວ.

1.   ການປະສົມປະສານວິທີການ:
ໃນສະພາບແວດລ້ອມການຮຽນຮູ້ຂອງລາວ, ການປະສົມປະສານລະຫວ່າງບົດບາດຕ່າງໆ ອາດເປັນວິທີທີ່ມີປະສິດທິຜົນທີ່ສຸດ. "ຄູຝຶກ ຜູ້ນຳພາການຮຽນຮູ້ແບບມີສ່ວນຮ່ວມ" ສາມາດນຳເອົາຈຸດແຂງຂອງແຕ່ລະບົດບາດມາໃຊ້, ໂດຍປັບໃຫ້ເຂົ້າກັບວັດທະນະທຳ ແລະ ຄວາມຕ້ອງການຂອງຜູ້ຮຽນ.

 

2.   ການເຄົາລົບວັດທະນະທຳ:
ການນຳໃຊ້ວິທີການແບບມີສ່ວນຮ່ວມ ຕ້ອງຄຳນຶງເຖິງຄວາມເຄົາລົບນັບຖືຜູ້ອາວຸໂສ ແລະ ໂຄງສ້າງທາງສັງຄົມ. ຄູຝຶກຕ້ອງສ້າງສະພາບແວດລ້ອມທີ່ປອດໄພສຳລັບການແລກປ່ຽນຄວາມຄິດເຫັນ, ໃນຂະນະດຽວກັນກໍ່ຮັກສາຄວາມເຄົາລົບຕໍ່ຜູ້ອາວຸໂສ.

 

3.   ການພັດທະນາທັກສະ:
ການຝຶກອົບຮົມຄູຝຶກໃນລາວ ຄວນເນັ້ນໜັກໃສ່ການພັດທະນາທັກສະການອຳນວຍຄວາມສະດວກ, ການຟັງ ແລະ ຕັ້ງຄຳຖາມທີ່ມີປະສິດທິຜົນ, ການສ້າງສະພາບແວດລ້ອມການຮຽນຮູ້ທີ່ເປີດກວ້າງ. ນີ້ອາດຮຽກຮ້ອງໃຫ້ມີການປ່ຽນແປງທັດສະນະຄະຕິຈາກການເປັນ "ຜູ້ຊ່ຽວຊານ" ມາເປັນ "ຜູ້ອຳນວຍຄວາມສະດວກໃນການຮຽນຮູ້".

 

“ຄູຝຶກ ຜູ້ນຳພາການຮຽນຮູ້ແບບມີສ່ວນຮ່ວມ” (ຕອນທີ 2)

"ວັນໜຶ່ງໃນຫ້ອງຝຶກອົບຮົມ: ການສຳຫຼວດບົດບາດຕ່າງໆ ໃນການຈັດຂະບວນການຮຽນຮູ້"

ມື້ນີ້ເປັນມື້ພິເສດໃນສູນຝຶກອົບຮົມແຫ່ງໜຶ່ງ. ຫ້ອງຮຽນສີ່ຫ້ອງທີ່ຢູ່ຕິດກັນກຳລັງຈັດການຝຶກອົບຮົມໃນຫົວຂໍ້ດຽວກັນ, ແຕ່ນຳພາໂດຍຜູ້ທີ່ມີບົດບາດແຕກຕ່າງກັນ. ພວກເຮົາມາສຳຫຼວດເບິ່ງວ່າແຕ່ລະຫ້ອງມີຄວາມແຕກຕ່າງກັນແນວໃດ.

ຫ້ອງທີ 1: ຄູຝຶກ (Trainer)

ທ່ານ ສົມພອນ, ຄູຝຶກທີ່ມີປະສົບການ, ກຳລັງຢືນຢູ່ໜ້າຫ້ອງ. ລາວກຳລັງນຳສະເໜີຂໍ້ມູນຢ່າງລະອຽດໂດຍໃຊ້ການບັນຍາຍ ແລະ ສະໄລ້.

ສົມພອນ: "ດັ່ງທີ່ພວກເຮົາເຫັນໃນສະໄລ້ນີ້, ຂັ້ນຕອນການວາງແຜນມີຄວາມສຳຄັນຫຼາຍ. ຂ້ອຍຈະສາທິດວິທີການໃຫ້ພວກທ່ານເບິ່ງ."

ຜູ້ເຂົ້າຮ່ວມກຳລັງຈົດບັນທຶກຢ່າງຕັ້ງໃຈ, ບາງຄົນຍົກມືຖາມຄຳຖາມເປັນບາງຄັ້ງ.

ຫ້ອງທີ 2: ຄູຝຶກ ຜູ້ນຳພາການຮຽນຮູ້ແບບມີສ່ວນຮ່ວມ (Facilitative Trainer)

ນາງ ວັນນະສອນ ກຳລັງເຄື່ອນທີ່ໄປມາໃນຫ້ອງ, ສະຫຼັບລະຫວ່າງການນຳສະເໜີ ແລະ ການຈັດກິດຈະກຳກຸ່ມ.

ວັນນະສອນ: "ຕອນນີ້ທີ່ພວກເຮົາໄດ້ຮຽນຮູ້ກ່ຽວກັບຫຼັກການແລ້ວ, ໃຫ້ພວກເຮົາແບ່ງກຸ່ມ ແລະ ລອງນຳໃຊ້ມັນໃນສະຖານະການຈຳລອງນີ້."

ຜູ້ເຂົ້າຮ່ວມກຳລັງມີສ່ວນຮ່ວມຢ່າງຫ້າວຫັນ, ມີການປຶກສາຫາລື ແລະ ແລກປ່ຽນຄວາມຄິດເຫັນ.

 “ຄູຝຶກ ຜູ້ນຳພາການຮຽນຮູ້ແບບມີສ່ວນຮ່ວມ” (ຕອນທີ 1)

ໃນຍຸກທີ່ການຮຽນຮູ້ເກີດຂຶ້ນຢູ່ຕະຫຼອດເວລາ, ການຝຶກອົບຮົມແບບເດີມໆ ທີ່ຄູຝຶກເປັນໃຈກາງ ອາດຈະບໍ່ແມ່ນຄໍາຕອບແລ້ວ. “ຄູຝຶກ ຜູ້ນໍາພາການຮຽນຮູ້ແບບມີສ່ວນຮ່ວມ" ແມ່ນບົດບາດທີ່ອົງການຈັດຕັ້ງສະໄຫມໃຫມ່ຕ້ອງການ, ປ່ຽນຈາກ "ການສອນ" ມາເປັນ "ການສ້າງປະສົບການຮ່ວມກັນ".

“ຄູຝຶກ ຜູ້ນຳພາການຮຽນຮູ້ແບບມີສ່ວນຮ່ວມ” (Facilitative Trainer) ແມ່ນຜູ້ໃດ?

“ຄູຝຶກ ຜູ້ນຳພາການຮຽນຮູ້ແບບມີສ່ວນຮ່ວມ” ແມ່ນ ບຸກຄົນທີ່ເຮັດຫນ້າທີ່ຫຼາຍກວ່າ "ຄູຝຶກ" ແຕ່ເປັນ "ຜູ້ອໍານວຍຄວາມສະດວກ" ໃນຂະບວນການຮຽນຮູ້, ເອົາໃຈໃສ່ຜູ້ຮຽນ ໃຫ້ຜູ້ຮຽນເປັນໃຈກາງການຮຽນຮູ້, ຊຸກຍູ້ການມີສ່ວນຮ່ວມ, ແລກປ່ຽນຄໍາຄິດເຫັນ, ແລະ ສ້າງຄວາມຮູ້ດ້ວຍຕົວເອງ.

ປຸກລະດົມພະລັງຂອງນັກພັດທະນາໃຫ້ກາຍເປັນ "ຄູຝຶກ ຜູ້ນໍາພາການຮຽນຮູ້ແບບມີສ່ວນຮ່ວມ" ມືອາຊີບ.

ປຸກລະດົມພະລັງຂອງນັກພັດທະນາໃຫ້ກາຍເປັນ "ຄູຝຶກ ຜູ້ນໍາພາການຮຽນຮູ້ແບບມີສ່ວນຮ່ວມ" ມືອາຊີບ.

(ຈົດໝາຍນ້ອຍ ສົ່ງເຖິງຜູ້ເຂົ້າຮ່ວມຝຶກອົບຮົມ)

ສະບາຍດີ, ທຸກຄົນ. ໃນວັນທີ 16 ກໍລະກົດ 2024 ນີ້, ພວກເຮົາຈະພົບກັນໃນການຝຶກອົບຮົມຄູຝຶກ  (Traiining of Trainer: TOT), ເຊິ່ງຈະເປັນບາດກ້າວທີ່ສໍາຄັນໃນການພັດທະນາຄວາມສາມາດຂອງພວກເຮົາ ເພື່ອເປັນ "ຄູຝຶກ ຜູ້ນໍາພາການຮຽນຮູ້ແບບມີສ່ວນຮ່ວມ" ມືອາຊີບ ທີ່ພ້ອມທີ່ຈະຖ່າຍທອດຄວາມຮູ້ ແລະ ປະສົບການເພື່ອສ້າງການປ່ຽນແປງໃຫ້ແກ່ຊຸມຊົນ.

ເປັນຫຍັງ TOT ຈຶ່ງມີຄວາມສໍາຄັນຕໍ່ວຽກງານພັດທະນາຊົນນະບົດ?

ພວກເຮົາທຸກຄົນຮູ້ວ່າ "ຄົນ" ແມ່ນຫົວໃຈຂອງການພັດທະນາ ດັ່ງນັ້ນ, ການສ້າງ "ຄູຝຶກ ຜູ້ນໍາພາການຮຽນຮູ້ແບບມີສ່ວນຮ່ວມ" ເຂົ້າໄປເຮັດວຽກໃນຊຸມຊົນແມ່ນ  "ກະແຈ" ເພື່ອຊ່ວຍ "ປົດປ່ອຍ" ຄວາມສາມາດຂອງປະຊາຊົນ ນໍາໄປສູ່ "ການພັດທະນາແບບຍືນຍົງ"

• ການສ້າງຄວາມອາດສາມາດໃຫ້ແກ່ຊຸມຊົນ: TOT ຊ່ວຍພວກເຮົາ ສາມາດໂອນຄວາມຮູ້ ແລະ ທັກສະທີ່ຈໍາເປັນໃຫ້ແກ່ຊາວບ້ານ, ເຮັດໃຫ້ເຂົາເຈົ້າ "ກຸ້ມຕົນເອງ".
• ຫຼຸດຊ່ອງວ່າງ: TOT ຈະຊ່ວຍ "ຫຼຸດຜ່ອນການເພິ່ງພາ" ບຸກຄົນພາຍນອກ ເຮັດໃຫ້ຊຸມຊົນສາມາດ "ຈັດການຮຽນຮູ້" ດ້ວຍຕົວເອງ.
• ການສ້າງຄວາມຍືນຍົງ: TOT ຈະເຮັດໃຫ້ເກີດ "ການຖ່າຍທອດຄວາມຮູ້" ຢ່າງຕໍ່ເນື່ອງ. ພາຍໃນຊຸມຊົນ

ພັດທະນາພະນັກງານທີ່ມີຢູ່ໃຫ້ເປັນມືອາຊີບ...

 

...ການພັດທະນາຄົນ ເປັນເລື່ອງທີ່ເວົ້າບໍ່ມີມື້ຈົບ ຍ້ອນວ່າ ສະຖານະການກໍ່ປ່ຽນແປງໄປຕະຫຼອດເວລາ ອົງກອນກໍ່ຕ້ອງການທັກສະທີ່ສາມາດຮັບມືກັບຄວາມປ່ຽນແປງນັ້ນໄດ້ ບໍ່ວ່າຈະເປັນການຍົກລະດັບທັກສະທີ່ມີຢູ່ແລ້ວ ໃຫ້ດີຂຶ້ນ ຫຼື ພັດທະນາທັກສະໃໝ່...ອົງກອນທີ່ຂ້າພະເຈົ້າກຳລັງເວົ້າເຖີງໃນບົດຄວາມນີ້ ກໍ່ຈະແນໃສ່ ອົງກອນທີ່ເຮັດວຽກດ້ານການພັດທະນາຊຸມຊົນ ທີ່ເນັ້ນໜັກໃນການຈັດຂະບວນການຮຽນຮູ້  ບໍ່ໄດ້ເຈາະຈົງລົງໄປວ່າເປັນອົງການສາກົນ ຫຼືວ່າ ອົງການຈັດຕັ້ງສັງຄົມ...

...ໂດຍປົກກະຕິ ການພັດທະນາພະນັກງານໃນອົງກອນ ເປັນເລື່ອງທີ່ຕ້ອງເຮັດທັ້ງລະບົບ ບໍ່ແມ່ນການເຮັດຢາມພົບພໍ້ບັນຫາວ່າຄົນເຮັດວຽກບໍ່ໄດ້...ເຊີ່ງກໍ່ເລີ່ມຕັ້ງແຕ່ການເບີ່ງເປົ້າໝາຍອົງກອນ, ພາບລັກອົງກອນ, ຖ້າຈະໃຫ້ບັນລຸເປົ້າໝາຍນັ້ນ ອົງກອນຕ້ອງເຮັດແນວໃດ...ພະນັກງານທີ່ຈະເຮັດເລື່ອງນັ້ນ ຕ້ອງມີຂີດຄວາມສາມາດເລື່ອງຫຍັງແດ່...ເຮົາຈະຊອກຫາຄົນທີ່ເຮົາຕ້ອງການໄດ້ຈາກບ່ອນໃດ...ເຮົາຈະມີວິທີການໃນການກັ່ນຕອງເອົາຄົນທີ່ເຮົາຕ້ອງການ ເຮົາຕ້ອງເຮັດແນວໃດ...ເຮົາຕ້ອງເລືອກແບບໃດ...ພໍໄດ້ຄົນມາແລ້ວ ເຮົາຈະໃຊ້ຄົນແນວໃດ...ເຮົາຈະພັດທະນາພະນັກງານໄດ້ແນວໃດ...ເຮົາຈະຮັກສາພະນັກງານທີ່ມີຄວາມຮູ້ ຄວາມສາມາດ ໃຫ້ຢູ່ກັບເຮົາໃຫ້ດົນທີ່ສຸດ ເຮົາຈະເຮັດແນວໃດ...ທີ່ວ່າມາຫັ້້ນ ກໍ່ເປັນແນວຄິດໃນການ ຊອກຄົນ-ໃຊ້ຄົນ-ພັດທະນາຄົນ-ຮັກສາຄົນ ໃນອົງກອນ ຖ້າສາມາດເຮັດໄດ້ແບບນີ້ ກໍ່ຖືວ່າ ອົງກອນມີແນວໂນ້ມຈະໄປຮອດເປົ້າໝາຍທີ່ໄດ້ຕັ້ງໄວ້...

ການພັດທະນາຄວາມເປັນມືອາຊີບ ໃນການເປັນນັກຈັດຂະບວນການຮຽນຮູ້.

...ການສົນທະນາຈົບລົງພາຍໃນເວລາ 2 ຊົ່ວໂມງປາຍ ແຕ່ຂ້າພະເຈົ້າຄິດວ່າ ຜົນຈາກການສົນທະນາ ຄົງຈະບໍ່ໄດ້ຈົບລົງຕາມເວລານັ້ນ...ອີກບໍ່ດົນ ກໍ່ຈະເກີດນັກຈັດຂະບວນການຮຽນຮູ້ມືອາຊີບຈຳນວນໜຶ່ງ ທີ່ໄດ້ຄົ້ນພົບທ່າແຮງຂອງຕົວເອງ ແລະ ພັດທະນາຕົວເອງຢ່າງຕໍ່ເນື່ອງ ເພື່ອໃຫ້ເກີດຄຸນຄ່າ ແລະ ຄວາມສຸກ ຕາມທີ່ຕັ້ງໃຈກັນໄວ້...

...ຄຳວ່າ ນັກຈັດຂະບວນການຮຽນຮູ້ ຕາມມຸມມອງຂອງຂ້າພະເຈົ້າ ເຫັນວ່າ ຜູ້ໃດກໍ່ສາມາດເປັນໄດ້ ບໍ່ຈຳເປັນວ່າຕ້ອງມີບົດບາດໃດໜຶ່ງທີ່ຊັດເຈນ ຕົວຢ່າງ ບໍ່ຈຳເປັນວ່າຕ້ອງເປັນຄູຝຶກ (Trainer) ເປັນໂຄ້ຊ (Coach) ເປັນຜູ້ໃຫ້ຄຳແນະນຳ (Mentor) ເປັນຜູ້ອຳນວຍຄວາມສະດວກໃນການຮຽນຮູ້ (Facilitator) ທ່ານກໍ່ຍັງສາມາດຈັດຂະບວນການຮຽນຮູ້ໄດ້ ເວົ້າງ່າຍໆ ແມ່ນ ທ່ານມີເປົ້າໝາຍວ່າຈະພາຜູ້ຮຽນຮູ້ໄປບັນລຸເລື່ອງຫຍັງ ແລະທ່ານໄດ້ໃຊ້ວິທີການທີ່ທ່ານຄິດວ່າແທດເໝາະກັບສະຖານະການ ແລະສຸດທ້າຍຜູ້ຮຽນຮູ້ກໍ່ບັນລຸຕາມເປົ້າໝາຍຂອງຜູ້ຮຽນຮູ້ທີ່ໄດ້ຕັ້ງໄວ້ ໂດຍມີເຮົາເປັນຜູ້ນຳພາ ຈະໂດຍຮູ້ຕົວ ຫຼື ບໍ່ຮູ້ຕົວກໍ່ຕາມ...