ປຸກລະດົມພະລັງຂອງນັກພັດທະນາໃຫ້ກາຍເປັນ "ຄູຝຶກ ຜູ້ນໍາພາການຮຽນຮູ້ແບບມີສ່ວນຮ່ວມ" ມືອາຊີບ.

ປຸກລະດົມພະລັງຂອງນັກພັດທະນາໃຫ້ກາຍເປັນ "ຄູຝຶກ ຜູ້ນໍາພາການຮຽນຮູ້ແບບມີສ່ວນຮ່ວມ" ມືອາຊີບ.

(ຈົດໝາຍນ້ອຍ ສົ່ງເຖິງຜູ້ເຂົ້າຮ່ວມຝຶກອົບຮົມ)

ສະບາຍດີ, ທຸກຄົນ. ໃນວັນທີ 16 ກໍລະກົດ 2024 ນີ້, ພວກເຮົາຈະພົບກັນໃນການຝຶກອົບຮົມຄູຝຶກ  (Traiining of Trainer: TOT), ເຊິ່ງຈະເປັນບາດກ້າວທີ່ສໍາຄັນໃນການພັດທະນາຄວາມສາມາດຂອງພວກເຮົາ ເພື່ອເປັນ "ຄູຝຶກ ຜູ້ນໍາພາການຮຽນຮູ້ແບບມີສ່ວນຮ່ວມ" ມືອາຊີບ ທີ່ພ້ອມທີ່ຈະຖ່າຍທອດຄວາມຮູ້ ແລະ ປະສົບການເພື່ອສ້າງການປ່ຽນແປງໃຫ້ແກ່ຊຸມຊົນ.

ເປັນຫຍັງ TOT ຈຶ່ງມີຄວາມສໍາຄັນຕໍ່ວຽກງານພັດທະນາຊົນນະບົດ?

ພວກເຮົາທຸກຄົນຮູ້ວ່າ "ຄົນ" ແມ່ນຫົວໃຈຂອງການພັດທະນາ ດັ່ງນັ້ນ, ການສ້າງ "ຄູຝຶກ ຜູ້ນໍາພາການຮຽນຮູ້ແບບມີສ່ວນຮ່ວມ" ເຂົ້າໄປເຮັດວຽກໃນຊຸມຊົນແມ່ນ  "ກະແຈ" ເພື່ອຊ່ວຍ "ປົດປ່ອຍ" ຄວາມສາມາດຂອງປະຊາຊົນ ນໍາໄປສູ່ "ການພັດທະນາແບບຍືນຍົງ"

• ການສ້າງຄວາມອາດສາມາດໃຫ້ແກ່ຊຸມຊົນ: TOT ຊ່ວຍພວກເຮົາ ສາມາດໂອນຄວາມຮູ້ ແລະ ທັກສະທີ່ຈໍາເປັນໃຫ້ແກ່ຊາວບ້ານ, ເຮັດໃຫ້ເຂົາເຈົ້າ "ກຸ້ມຕົນເອງ".
• ຫຼຸດຊ່ອງວ່າງ: TOT ຈະຊ່ວຍ "ຫຼຸດຜ່ອນການເພິ່ງພາ" ບຸກຄົນພາຍນອກ ເຮັດໃຫ້ຊຸມຊົນສາມາດ "ຈັດການຮຽນຮູ້" ດ້ວຍຕົວເອງ.
• ການສ້າງຄວາມຍືນຍົງ: TOT ຈະເຮັດໃຫ້ເກີດ "ການຖ່າຍທອດຄວາມຮູ້" ຢ່າງຕໍ່ເນື່ອງ. ພາຍໃນຊຸມຊົນ

ຫົວໃຈຂອງ TOT ແມ່ນຫຍັງ?

ການເປັນ "ຄູຝຶກ ຜູ້ນໍາພາການຮຽນຮູ້ແບບມີສ່ວນຮ່ວມ" ບໍ່ພຽງແຕ່ກ່ຽວກັບ "ການສອນ" ແຕ່ຍັງກ່ຽວກັບ "ການສ້າງຂະບວນການຮຽນຮູ້" ທີ່ເປັນ "ຄວາມມ່ວນຊື່ນ", "ຄວາມຄິດສ້າງສັນ" ແລະ "ຕອບສະຫນອງ" ຕໍ່ຄວາມຕ້ອງການຂອງຜູ້ຮຽນ.

• ການອອກແບບຫຼັກສູດ: ຮຽນຮູ້ວິທີການ "ອອກແບບການຝຶກອົບຮົມ" ທີ່ "ຖືກໃຈ" ກັບຊາວບ້ານ. ເຊິ່ງເລີ່ມຕົ້ນດ້ວຍ "ຄວາມເຂົ້າໃຈ" ຄວາມຕ້ອງການ ແລະ ສະພາບແວດລ້ອມຂອງເຂົາເຈົ້າ.
• ເຕັກນິກການສິດສອນ: ເຝິກຫຼາກຫຼາຍ  "ເຕັກນິກການສອນ" ເຊັ່ນ: ການເລົ່າເລື່ອງ, ລະດົມສະຫມອງ, ແລະ ບົດບາດສົມມຸດ ເພື່ອເຮັດໃຫ້ການຝຶກອົບຮົມ "ມີຊີວິດຊີວາ", "ຫນ້າສົນໃຈ", ແລະ "ງ່າຍທີ່ຈະຈື່ຈໍາ".
• ການໃຊ້ສື່: ຮຽນຮູ້ "ການເລືອກສື່ທີ່ເຫມາະສົມ", ໂດຍສະເພາະສື່ທີ່ "ບໍ່ຕ້ອງໃຊ້ໄຟຟ້າ" ແລະ “ຊອກຫາງ່າຍ” ໃນຊຸມຊົນ.
• ແຮງຈູງໃຈ: ຮຽນຮູ້ "ເຕັກນິກການສື່ສານ" ແລະ "ແຮງບັນດານໃຈ" ເພື່ອເຮັດໃຫ້ຊາວບ້ານ "ຕື່ນຕົວ" ແລະ "ຢາກມີສ່ວນຮ່ວມ" ໃນການພັດທະນາ.

ກຽມພ້ອມທີ່ຈະກາຍເປັນຄູຝຶກມືອາຊີບ.

• ຈົ່ງເປີດໃຈໃນການຮຽນຮູ້: ກຽມພ້ອມຢ່າງເຕັມທີ່ທີ່ຈະ "ເປີດຮັບ" ຄວາມຮູ້ ແລະ ປະສົບການໃຫມ່ໆ.
• ແບ່ງປັນປະສົບການ: ກຽມພ້ອມທີ່ຈະ "ແລກປ່ຽນ", ຮຽນຮູ້, ແລະ "ແບ່ງປັນ" ປະສົບການກັບເພື່ອນຜູ້ຝຶກອົບຮົມ.
• ກໍານົດເປົ້າຫມາຍ: ຄິດ "ວາງແຜນ" ເພື່ອໃຊ້ຄວາມຮູ້ ແລະ ທັກສະທີ່ທ່ານໄດ້ຮັບເພື່ອ "ພັດທະນາ" ວຽກງານຂອງທ່ານ ແລະ ຊຸມຊົນ.

ວັນທີ 16 ຈະເປັນການເລີ່ມຕົ້ນຂອງການເດີນທາງຈາກ "ນັກພັດທະນາ" ໄປສູ່ "ຄູຝຶກ ຜູ້ນຳພາການຮຽນຮູ້ແບບມີສ່ວນຮ່ວມ", ຂໍໃຫ້ພວກເຮົາ "ຕັ້ງໃຈ" ແລະ "ໃສ່ໃຈ" ໃນການຮຽນຮູ້ທີ່ຈະນໍາຄວາມຮູ້ກັບໄປ "ສ້າງປະໂຫຍດ" ໃຫ້ແກ່ຊຸມຊົນຂອງພວກເຮົາ.