 |
| ທັກສະຂອງຜູ້ໃຫ້ຄຳແນະນຳທີ່ມີປະສິດທິຜົນ |
... “ອາຈານ ຫົວໜ້າໃຫ້ນ້ອງເປັນຜູ້ໃຫ້ຄຳແນະນຳກັບໂຄງການຂະໜາດນ້ອຍທີ່ຮັບທຶນຈາກໂຄງການ
ແຕ່ນ້ອງຍັງບໍ່ໝັ້ນໃຈວ່າຈະເຮັດໄດ້ບໍ່...ນ້ອງຕ້ອງຝຶກຕົວເອງແນວໃດແດ່
ຈຶງຈະເປັນຜູ້ໃຫ້ຄຳແນະນຳທີ່ດີໄດ້ ອາຈານ”...
...“ໂດຍ ມັນກໍບໍ່ໄດ້ຍາກດອກ
ທັກສະທີ່ມີຢູ່ພື້ນຖານທັ້ງຫຼາຍຫັ້ນລ່ະ...ນັບຕັ້ງແຕ່ການຟັງ, ການສັງເກດ, ການກະຕຸກຊຸກຍູ້,
ໃຫ້ກຳລັງໃຈ, ການຕັ້ງເປົ້າໝາຍ, ການໃຫ້ຄຳແນະນຳທີ່ເປັນຮູບປະທຳ ສາມາດເຮັດໄດ້”...
...
“ມີຫຼາຍທັກສະເລີຍເນາະອາຈານ...ເລິ່ມຈາກທັກສະໃດ໋ດີນໍ້ນີ່”
...
...
“ເລິ່ມຈາກທັກສະຫຼັກກ່ອນກໍໄດ້ນະ...ທັກສະຫຼັກນີ່ ເປັນທັກສະທີ່ຈຳເປັນຕ້ອງມີ
ຖືວ່າຂາດບໍ່ໄດ້ເດີ້...ເລິ່ມຕົ້ນຈາກການຟັງຢ່າງຕັ້ງໃຈ...ຟັງເພື່ອໃຫ້ເຂົ້າໃຈວ່າຜູ້ຮັບຄຳແນະນຳຕ້ອງການສື່ສານຫຍັງກັບເຮົາ...ຟັງແລ້ວຕ້ອງມີການຕອບສະໜອງນຳໄດ໋
ມີການສະແດງອອກໃຫ້ຜູ້ຮັບຄຳແນະນຳຮູ້ວ່າເຮົາກຳລັງຕັ້ງໃຈຟັງຢູ່
ເວົ້າໃຫ້ເຂົ້າໃຈແມ່ນຕ້ອງມີພາສາຮ່າງກາຍທີ່ແທດເໝາະ
ເຮັດໃຫ້ຜູ້ຮັບຄຳແນະນຳເຫັນແລ້ວສະບາຍໃຈ ຢາກເວົ້າ ຢາກລົມໃຫ້ຟັງ...ແຕ່ຕ້ອງຈຳໄວ້ວ່າ
ການໃຫ້ຄຳແນະນຳ ເປັນການສຳຫຼວດບັນຫາ ສາຍເຫດ ເປັນອັນດັບທຳອິດ ດັງນັ້ນ
ຢ່າຟ້າວໃຊ້ປະສົບການຕົວເອງ ຫຼື ມຸມມອງຂອງຕົວເອງຕັດສິນບັນຫາ...ຕ້ອງເປັນຜູ້ຟັງທີ່ດີ
ແລະ ຊ່ວຍໃຫ້ຜູ້ຮັບຄຳແນະນຳໄດ້ຊອກຫາບັນຫາ ສາຍເຫດ ຢ່າງຄ່ອຍເປັນຄ່ອຍໄປ”
...
...
“ຍາກເດ້ເນາະ ອາຈານ...ນ້ອງລ່ະຄິດວ່າ
ຢາມຜູ້ຮັບຄຳແນະນຳຖາມເຮົາວ່າ ຊີແກ້ໄຂບັນຫາແນວໃດ ເຮົາກໍຕ້ອງບອກເລີຍ
ຍ້ານຜູ້ຮັບຄຳແນະນຳບໍ່ເຊື່ອຖືເຮົາເດ້ ຕ້ອງສະແດງອອກວ່າເຮົາຮູ້
ເຮົາສາມາດໃຫ້ຄຳແນະນຳໄດ້” ...
...ອາຈານກັບລູກສິດກໍຫົວພ້ອມກັນ...“ຄົນເກັ່ງແທ້ແມ່ນເຂົາເຈົ້າເດ້
ຍ້ອນວ່າເຂົາເຈົ້າໄດ້ປະຕິບັດຕົວຈິງ ແລະໄດ້ພົບພໍ້ບັນຫາ
ອາຈານຄິດວ່ານີ່ລ່ະຄົນເກັ່ງ...ຄົນທີ່ສາມາດບອກຕົວເອງໄດ້ວ່າ ນີ່ລ່ະບັນຫາ
ສະແດງວ່າເຂົາເຈົ້າກໍມີການທົບທວນໃນລະດັບໜຶ່ງແລ້ວ
ພຽງແຕ່ວ່າມີບາງເລື່ອງທີ່ເຂົາເຈົ້າຍັງບໍ່ສາມາດລະບຸອອກມາໄດ້...ຄົນທີ່ເຮັດເອງ
ຈະຮູ້ຂັ້ນຕອນຕ່າງໆ ດີ ຮູ້ລາຍລະອຽດຫຼາຍກວ່າເຮົາ ດັງນັ້ນ
ທຸກຄຳເວົ້າຂອງເຂົາເຈົ້າຈຶງເປັນຂໍ້ມູນທີ່ມີປະໂຫຍດສຳລັບການນຳມາພິຈາລະນາ ສົ່ງຜົນໃຫ້ເຮົາສາມາດໃຫ້ຄຳແນະນຳທີ່ດີ
ທີ່ຖືກຕ້ອງ ທີ່ແທດເໝາະກັບເຫດການ...ດັງນັ້ນ ເຮົາຈຶງຕ້ອງຟັງກ່ອນ
ເປັນຜູ້ຟັງທີ່ດີກ່ອນ ແລະ ຄ່ອຍແກ້ໄຂບັນຫາໃນພາຍຫຼັງ” ...
...
“ໂອ້ ແມ່ນຫວາອາຈານ” ...
...
“ແມ່ນແທ້...ສົມມຸດວ່າ ນ້ອງຢາກລົມເລື່ອງໜຶ່ງ
ທີ່ມີຄວາມສະຫຼັບຊັບຊ້ອນ ໃຫ້ອີກຄົນໜຶ່ງຟັງ ແຕ່ປາກົດວ່າ ຄົນຜູ້ນັ້ນ ບອກນ້ອງທັນທີວ່າ
ເລື່ອງທີ່ນ້ອງຈະລົມນັ້ນ ເຂົາເຈົ້າຮູ້ເລື່ອງແລ້ວ ນ້ອງຈະຮູ້ສຶກແນວໃດ”
...
...
“ນ້ອງກໍບໍ່ຢາກເວົ້າຕໍ່ແລ ອາຈານ” ...
...
“ນັ້ນລ່ະ ຄືກັນ...ໃຫ້ເຂົາເຈົ້າລົມໃຫ້ຈົບ ຖ້າສົງໄສ
ກໍຄ່ອຍຖາມຍາມເຂົາເຈົ້າເລົ່າຈົບ...ຈາກນັ້ນ ຄ່ອຍມາສະຫຼຸບນຳກັນວ່າ
ເລື່ອງທີ່ເວົ້າກັນມານັ້ນ ເຮົາ ແລະ ເຂົາເຈົ້າໄດ້ລົມກັນປະເດັນໃດແດ່”
...
...
“ແລ້ວເລື່ອງການໃຊ້ພາສາຮ່າງກາຍເດອາຈານ...ເຫັນອາຈານເຄີຍບອກນ້ອງວ່າ
ມັນມີຄວາມສຳຄັນຫຼາຍ ສຳຄັນຫຼາຍກວ່າຄຳເວົ້າອີກ” ...
...
“ໂດຍ...ໃນການລົມກັນ ສົນທະນາກັນ ພາສາຮ່າງກາຍສົ່ງຜົນເກີນເຄີ່ງຂອງຄຳເວົ້າ
ໝາຍຄວາມວ່າ ຄົນເຮົາຮັບຮູ້ໄດ້ຈາກພາສາກາຍຫຼາຍກວ່າການປາກເວົ້າ...ເວລາເຮົານັ່ງຟັງ
ເຮົາຈຶງຕ້ອງສະແດງພາສາກາຍອອກຢ່າງແທດເໝາະ...ຕ້ອງຍິ້ມໃຫ້ພອເໝາະ
ຖ້າແບ່ງການຍິ້ມເປັນສອງລະດັບ ເຮົາກໍຕ້ອງຍິ້ມລະດັບທຳອິດ
ທີ່ມຸມປາກທັ້ງສອງຍົກຂຶ້ນໄປຍັງບໍ່ຮອດແກ້ມເທືອ ແຕ່ຖ້າຍິ້ມລະດັບສອງ
ແມ່ນຍິ້ມຈນມູມປາກດັນແກ້ມຂຶ້ນມາຈົນຮູ້ສຶກວ່າໜ້າຕຶງ ອັນນັ້ນ ເກີນງານ”
...
...ລູກສິດກໍທຳທ່າຍິ້ມ
ແລ້ວກໍຖາມວ່າ “ແບບນີ້ໃຊ້ໄດ້ບໍ່ອາຈານ???”
...ລູກສິດກັບອາຈານກໍຫົວພ້ອມກັນ...
...
“ເວລາເຮົານັ່ງລົມກັນແບບຊອງໜ້າ ເຮົາເອງກໍຕ້ອງເບິ່ງຕາຂອງຜູ້ຮັບຄຳແນະນຳທີ່ກຳລັງເລົ່າເລື່ອງໃຫ້ເຮົາຟັງ...ນ້ອງສັງເກດບໍ່
ເວລາເຮົາຍິ້ມ ຕາເຮົາກໍຈະຍິ້ມນຳ...ເວລາປາກຍິ້ມ ຕາກໍຍິ້ມ ຄົນເຫັນແລ້ວ ກໍຈະສະບາຍໃຈ
ແຮ່ງເຮົາໄດ້ເບິ່ງຕາເຂົາເຈົ້ານຳ ກໍເປັນການສະແດງໃຫ້ເຂົາເຈົ້າໄດ້ຮູ້ວ່າເຮົາສົນໃຈຟັງ
ແລະ ຕັ້ງໃຈຟັງຢູ່...ການນັ່ງ ກໍໃຫ້ນັ່ງແບບສະບາຍ ກົ້ມຕົວຫາເຂົາເຈົ້າເລັກນ້ອຍ ສະແດງອອກວ່າ
ເຮົາກຳລັງສົນໃຈເຂົາເຈົ້າຢູ່” ...
...
“ອາຈານ ສະແດງວ່າກ່ອນການສົນທະນານີ່ ນ້ອງເອງກໍຕ້ອງໃຊ້ພາສາກາຍຄືກັນແມ່ນບໍ່ອາຈານ...ຟັງອາຈານເວົ້າແລ້ວນ້ອງຮູ້ສຶກວ່າ
ເຮົາກຳລັງສື່ສານກັບເຂົາເຈົ້ານັບຕັ້ງແຕ່ການພົບພໍ້ກັນ ບໍ່ແມ່ນແຄ່ຕອນມານັ່ງລົມກັນ”
...
...
“ແມ່ນແລ້ວ ອາຈານຢາກຝາກບອກໄວ້ວ່າ ທຸກຢ່າງຄືການສື່ສານ ການຢ່າງ
ການນັ່ງ ການແຕ່ງຕົວ...ດັງນັ້ງ ຈຶງຕ້ອງພິຈາລະນາໃຫ້ເໝາະສົມວ່າເຮົາຈະສື່ສານແນວໃດອອກມາ”
...
...
“ໂດຍອາຈານ...ນີ້ແຄ່ທັກສະການຟັງຢ່າງຕັ້ງໃຈເດ້ນີ່...ຍັງອີກຈັກທັກສະນີ່ອາຈານ
ຈຶງຈະເປັນຜູ້ໃຫ້ຄຳແນະນຳທີ່ມີປະສິດທຶຜົນໄດ້” ...
...ອາຈານຍິ້ມ
ແລະຕອບວ່າ “ທັກສະໃນການສື່ສານທັ້ງໝົດນີ້ລ່ະ
ທີ່ນ້ອງມີຢູ່” ...
...
“ໂດຍອາຈານ ມື້ອື່ນມາລົມກັນຕໍ່ເນາະ” ...
... “ໂດຍ ໄດ້...ບໍ່ມີບັນຫາ” ...
ຜູ້ສະໜັບສະໜຸນ “ການເຮັດຄວາມດີ” ຢ່າງເປັນທາງການ...
ມູນນິທິພັດທະນາອີສານ, ແຂວງສຸລິນ, ປະເທດໄທ http://www.netsurin.org/
1. ເວລານ້ອງສື່ສານກັບຄົນອື່ນຖ້າໃຊ້ພາສາຂຽນຈະລະອຽດ ແລະ ຜູ້ຮັບຟັງເຂົ້າໃຈດີ ເພາະນ້ອງໄດ້ກັ່ນຕອງຄຳເວົ້າລະອຽດກ່ອນຈະສື່ສານຫາ
ตอบลบ2. ແຕ່ເວລາສົນທະນາທາງພາສາເວົ້າ ຈະເຮັດໃຫ້ຜູ້ຟັງງົງໃນຄວາມໝາຍ ຫຼື ການສື່ສານເລັກນ້ອຍ ເພາະນ້ອງມີທັກສະການເວົ້າທີ່ບໍ່ຈັບໃຈ
ຂໍຝຶກດ້ານການເວົ້າຕື່ມອີກ ໄດ້ບໍ່