 |
| ອົງປະກອບຂອງການໃຫ້ບໍລິການຂອງອົງກອນ |
...ເວົ້າເຖີງເລື່ອງຄຸນນະພາບ
ເຮົາກໍຕ້ອງຄິດເຖີງສິ່ງທີ່ດີໆ ທີ່ມີຢູ່ໃນການບໍລິການຂອງເຮົາ...ຄຸນນະພາບ ກໍໝາຍເຖີງ
ສິ່ງດີໆ ທີ່ຢູ່ໃນສິນຄ້າ ໃນການບໍລິການ...ຖ້າວ່າຄົນມີຄຸນນະພາບ ກໍໝາຍເຖີງສິ່ງດີໆ
ທີ່ມີຢູ່ໃນຄົນໆ ນັ້ນ...ຖ້າເວົ້າເລື່ອງອງົກອນມີຄຸນນະພາບ ກໍໝາຍເຖີງ
ອົງກອນນັ້ນມີແນວດີໆ ຢູ່ໃນອົງກອນນັ້ນ...ດັງນັ້ນ ຖ້າຈະປະເມີນຄຸນນະພາບຂອງການບໍລິການຂອງອົງກອນ
ກໍຈະໝາຍເຖີງ ສິ່ງດີໆ ໃນການບໍລິການຂອງອົງກອນນັ້ນໆ...
...ຈາກປະສົບການຂອງຜູ້ຂຽນໃນເລື່ອງການປະເມີນການບໍລິການຂອງອົງກອນ
ເຮົາຈະເບິ່ງຢູ່ 3 ເລື່ອງ ແມ່ນ ຄວາມເຂົ້າໃຈຄວາມຄາດຫວັງຂອງຜູ້ຮັບບໍລິການ,
ມາດຖານການບໍລິການຂອງອົງກອນ, ແລະ ການແກ້ໄຂບັນຫາການບໍລິການ...
...ເລື່ອງທີ່ໜຶ່ງ ເບິ່ງວ່າ ອົງກອນເຂົ້້າໃຈຄວາມຄາດຫວັງຂອງຜູ້ຮັບບໍລິການຫຼືບໍ່...ເວົ້າງ່າຍໆ
ກໍແມ່ນການຮູ້ແທ້ຈິງວ່າ ຜູ້ຮັບບໍລິການຕ້ອງການຫຍັງ ຄາດຫວັງການບໍລິການຈາກອົງກອນແນວໃດ...ແນວຄຳຖາມທີ່ໃຊ້ໃນການປະເມີນ
ກໍຈະຖາມໃນຂົງເຂດຕໍ່ໄປນີ້...
- ຜູ້ຮັບບໍລິການຂອງອົງກອນແມ່ນຜູ້ໃດແດ່ ແມ່ນຄົນກຸ່ມໃດ?
- ວິທີການທີ່ອົງກອນໃຊ້ສຶກສາຄວາມຄາດຫວັງຂອງຜູ້ຮັບບໍລິການ ແມ່ນໃຊ້ວິທີໃດແດ່?
- ການສື່ສານກັບຜູ້ຮັບບໍລິການ ໃຊ້ວິທີການໃດແດ່?
- ອົງກອນມີແຜນສຳລັບຮັບມືກັບຄວາມຄາດຫວັງກັບຜູ້ຮັບບໍລິການທີ່ມີຄວາມຫຼາກຫຼາຍ ແຕກຕ່າງກັນ ແນວໃດແດ່?
...ເລື່ອງທີ່ສອງ ເບິ່ງວ່າ ມາດຖານການບໍລິການຂອງອົງກອນ ໄດ້ຕັ້ງໄວ້ແນວໃດແດ່...ໃນມຸມມອງຂອງຜູ້ຂຽນຈະເບິ່ງຢູ່ສອງສ່ວນ
ແມ່ນມາດຖານທີ່ເຮົາກຳນົດໄວ້ອິງຕາມຍຸດທະສາດຂອງອົງກອນ ແລະ ອີກສ່ວນໜຶ່ງແມ່ນມາດຖານທີ່ອິງຕາມຄວາມຄາດຫວັງຂອງກຸ່ມເປົ້າໝາຍ...ທັ້ງສອງສ່ວນນີ້ຖືວ່າມານຳກັນ
ແຍກກັນບໍ່ໄດ້ ຍ້ອນອົງກອນເອງກໍຕ້ອງມີຈຸດຍືນໃນການໃຫ້ບໍລິການ ແລະ
ສາມາດໝຸນໃຊ້ເພື່ອໃຫ້ສອດຄ້ອງກັບຄວາມຄາດຫວັງຂອງອົງກອນ...ແນວຄຳຖາມທີ່ເຮົາໃຊ້
ກໍຈະມີດັງນີ້...
- ມາດຖານການໃຫ້ບໍລິການຂອງອົງກອນໄດ້ກຳນົດໄວ້ແນວໃດແດ່?
- ມາດຖານການໃຫ້ບໍລິການທີ່ກຳນົດໄວ້ ມີຄວາມແທດເໝາະກັບຍຸດທະສາດຂອງອົງກອນຫຼືບໍ່?
- ການກຳນົດມາດຖານທີ່ອິງກັບຄວາມຄາດໝາຍຂອງຜູ້ຮັບບໍລິການ ເຮັດແນວໃດ?
...ເລື່ອງທີ່ສາມ ແມ່ນເລື່ອງ ການແກ້ໄຂບັນຫາການໃຫ້ບໍລິການ ອົງກອນຕັ້ງຮັບກັບສິ່ງທີ່ຈະເກີດຂຶ້ນແນວໃດແດ່
ໃນເລື່ອງຕໍ່ໄປນີ້...
- ອົງກອນບໍ່ສາມາດເຮັດໄດ້ຕາມທີ່ຕັ້ງມາດຖານໄວ້, ແກ້ໄຂແນວໃດ? ແລະ ປ້ອງກັນແນວໃດ?
- ການສື່ສານກັບຜູ້ຮັບມາດຖານ ໃນກໍລະນີບໍ່ສາມາດເຮັດໄດ້ຕາມມາດຖານ, ແກ້ໄຂແນວໃດ? ແລະ ປ້ອງກັນແນວໃດ?
- ຖ້າສິ່ງທີ່ຜູ້ຮັບບໍລິການຄາດຫວັງໄວ້ ກັບການໄດ້ຮັບບໍລິການ ບໍ່ກົງກັນ ແມ່ນວ່າ ຄາດຫວັງໄວ້ຫຼາຍ ແຕ່ໄດ້ຮັບບໍລິການຕ່ຳກວ່າທີ່ຄາດຫວັງໄວ້ ອົງກອນແກ້ໄຂແນວໃດ? ແລະ ປ້ອງກັນແນວໃດ?
...ພົບກັນຕອນໜ້າໃນເລື່ອງ ການປະເມີນວັດທະນະທຳຂອງອົງກອນ...
ຜູ້ສະໜັບສະໜຸນ “ການເຮັດຄວາມດີ”
ຢ່າງເປັນທາງການ...
ມູນນິທິພັດທະນາອີສານ, ແຂວງສຸລິນ, ປະເທດໄທ... http://www.netsurin.org/
ไม่มีความคิดเห็น:
แสดงความคิดเห็น