ບົດຮຽນການອອກແບບຂະບວນການຮຽນຮູ້
 |
| ການອອກແບບຂະບວນການຮຽນຮູ້ ກໍຄ້າຍຄືການອອກເດີນທາງທ່ອງທ່ຽວ... ອອກໄປຊອກຫາແຮງບັນດານໃຈ... |
...ການອອກແບບຂະບວນການຮຽນຮູ້ ຖືວ່າເປັນເລື່ອງທີ່ນັກຈັດຂະບວນການຮຽນຮູ້ຕ້ອງໃຫ້ຄວາມສຳຄັນ
ຍ້ອນວ່າ ຂະບວນການທີ່ດີ ຈະນຳໄປຫາຜົນລັບທີ່ດີ ທີ່ຈະເກີດຂຶ້ນກັບຜູ້ຮຽນຮູ້...
...ຂະບວນການຮຽນຮູ້ ແມ່ນເປັນຄ້າຍຄືເວທີກາງ
ເປັນພື້ນທີ່ອິດສະຫຼະ ເປັນພື້ນທີ່ສາທາລະນະ ທີ່ຈະໃຫ້ທັ້ງຜູ້ຮຽນ ແລະ ຜູ້ສອນ
ໄດ້ເກີດການແລກປ່ຽນ ຮຽນຮູ້ນຳກັນ...ດັງນັ້ນ ຈຶງຕ້ອງເຮັດໃຫ້ພື້ນທີ່ນີ້
ໄດ້ຕອບສະໜອງຄວາມຕ້ອງການ ແລະ ເອື້ອອຳນວຍໃຫ້ເກີດການແລກປ່ຽນ ຮຽນຮູ້
ໄດ້ຢ່າງແທ້ຈິງ...ມີການເຄົາລົບກັນແລະກັນ ໃຫ້ກຽດກັນ ສະໜັບສະໜຸນກັນ ແລະ
ໂອບອຸ້ມເອົາອາລົມ ຄວາມຮູ້ສຶກ ແລະ ຄວາມປາດຖະໜາດີຕໍ່ກັນ
ເຊິ່ງຈະສົ່ງຜົນໂດຍກົງກັບການຮຽນຮູ້ຂອງຜູ້ເຂົ້າຮ່ວມ...
...1. ຕ້ອງເຂົ້າໃຈຈຸດປະສົງຂອງການຮຽນຮູ້ ວ່າ
ຍ້ອນຫຍັງຈຶງຕ້ອງມີການຈັດຂະບວນການຮຽນຮູ້ຂຶ້ນມາ...ຕ້ອງການໃຫ້ເກີດການປ່ຽນແປງດ້ານໃດແດ່...ດ້ານຄວາມຮູ້
ຫຼືວ່າ ດ້ານແນວຄິດ ຫຼືວ່າ ດ້ານທັກສະຄວາມຊຳນານ ຫຼືວ່າ ຫຼາຍດ້ານປະສົມກັນໄປ...
...2. ຕ້ອງຮູ້ຈັກຜູ້ເຂົ້າຮ່ວມ ວ່າ ມີບຸກຄະລິກແນວໃດ
ມີຄວາມຮູ້ ຄວາມສາມາດ ມີແນວຄິດ ມີທັກສະໃນເລື່ອງທີ່ຈະຮຽນຮູ້ແນວໃດ...ແມ່ຍິງ ຫຼື
ຜູ້ຊາຍ...ອາຍຸໜ້ອຍຫຼາຍສ່ຳໃດ...
...3. ອອກແບບໃຫ້ຂະບວນການມີຄວາມມ່ວນຊື່ນ ຄ້າຍຄືການເດີນທາງໄປທ່ອງທ່ຽວ...ຮູ້ເປົ້າໝາຍ
ວ່າຈະໄປຮອດໄສ...ແລະ ໃນລະຫວ່າງທາງ ມີບ່ອນພັກຜ່ອນ ມີບ່ອນທ່ອງທ່ຽວບ່ອນໃດທີ່ນ່າສົນໃຈແດ່
ກໍສົມທຽບໄດ້ກັບການກຳນົດຈຸດຮຽນຮູ້ໃນແຕ່ລະໄລຍະ ແລະ ກຳນົດຄວາມປ່ຽນແປງທີ່ຈະເກີດຂຶ້ນ...
...4. ເລິ່ມຈາກປະສົບການຂອງຜູ້ເຂົ້າຮ່ວມ...ຜູ້ເຂົ້າຮ່ວມບໍ່ໄດ້ເລີ່ມຕົ້ນຈາກສູນ
ບໍ່ໄດ້ເລີ່ມຕົ້ນຈາກການບໍ່ມີຫຍັງເລີຍ...ແມ້ວ່າຜູ້ເຂົ້າຮ່ວມຈະບໍ່ມີຄວາມຮູ້
ແຕ່ຜູ້ເຂົ້າຮ່ວມກໍຍັງສາມາດມີຄວາມເຫັນຕໍ່ເລື່ອງນັ້ນ...ຫຼືບາງເທືອຜູ້ເຂົ້າຮ່ວມມີຄວາມຮູ້
ແຕ່ກໍບໍ່ໄດ້ໝາຍຄວາມວ່າຖືກຕ້ອງສະເໝີໄປ...
...5. ອອກແບບໃຫ້ຜູ້ເຂົ້າຮ່ວມໄດ້ສົນທະນາກັນ ເພື່ອໃຫ້ເກີດການໄຫຼວຽນຂອງຄວາມຮູ້ແລະປະສົບການ...
...6. ຄຳຄິດເຫັນ, ບົດຮຽນແລະປະສົບການຂອງຜູ້ເຂົ້າຮ່ວມ
ມີຄຸນຄ່າແລະມີຄວາມໝາຍ ດັງນັ້ນ ການອອກແບບທີ່ເອື້ອໃຫ້ເກີດການສົນທະນາຈາກຄວາມຄິດເຫັນທີ່ລວບລວມມາໄດ້
ສມາດເຮັດໃຫ້ເກີດການຮຽນຮູ້ຮ່ວມກັນໄດ້...
...7. ການຝຶກປະຕິບັດ ຫຼື ມີເຫດການຈຳລອງ ຊ່ວຍໃຫ້ຜູ້ເຂົ້າຮ່ວມເຂົ້າໃຈ
ແລະ ສາມາດໝຸນໃຊ້ຄວາມຮູ້ທີ່ໄດ້ຮັບຈາກການຮຽນຮູ້ໄດ້ໄວຂຶ້ນ...
...8. ການຮຽນຮູ້ຂອງຄົນມີຄວາມແຕກຕ່າງກັນ ຕ້ອງມີຮູບແບບກິດຈະກຳທີ່ສາມາດຮອງຮັບກັບຄວາມຫຼາກຫຼາຍ.
ມີວິທີການທີ່ເປັນໄຈກາງໄວ້ ແລະ ປັບປ່ຽນ ຍົກລະດັບ ຂະຫຍາຍຜົນໄປຕາມຄວາມປ່ຽນແປງໃນແຕ່ລະລະດັບຂອງການຮຽນຮູ້ໄດ້...
...9. ການອອກແບບໃຫ້ມີການໃຊ້ສື່ການສອນທີ່ຫຼາກຫຼາຍ...ທຸກວັນນີ້ຫາໄດ້ບໍ່ຍາກ
ແຕ່ຕ້ອງເລືອກທີ່ແທດເໝາະກັບຈຸດປະສົງ ຫົວຂໍ້ ຜູ້ເຂົ້າຮ່ວມ ແລະ ເວລາທີ່ມີຢູ່...
...10. ຕ້ອງມີການອອກແບບກິດຈະກຳເພື່ອປະເມີນຄວາມປ່ຽນແປງໄວ້ເປັນໄລຍະ
ເຮັດໃຫ້ຜູ້ເຂົ້າຮ່ວມຮັບຮູ້ເຖີງການປ່ຽນແປງຂອງຕົວເອງ...
...11. ອອກແບບໃຫ້ຜູ້ເຂົ້າຮ່ວມໄດ້ວາງແຜນນຳໃຊ້ຄວາມຮູ້ທີ່ໄດ້ຮັບຈາກການຮຽນຮູ້
ຍ້ອນວ່າ ສິ່ງນີ້ຈະເປັນເຄື່ອງມືໃຫ້ກັບຜູ້ເຂົ້າຮ່ວມໃນການຕິດຕາມແລະປະເມີນຜົນຕົວເອງ ຫຼັງຈາກທີ່ໄດ້ຜ່ານຂະບວນການຮຽນຮູ້ເທືອນີ້ໄປແລ້ວ...
...ແລ້ວພົບກັນໃໝ່ ໃນຕອນຕໍ່ໄປ...
ไม่มีความคิดเห็น:
แสดงความคิดเห็น