...ມີຄົນຖາມຂ້າພະເຈົ້າວ່າ ໄລຟສະຕາຍ (Life style) ຂອງອາຈານເປັນແນວໃດ...ຂ້າພະເຈົ້າກໍບໍ່ຮູ້ຈະຕອບວ່າແນວໃດ...ຜູ້ຖາມກໍເລີຍອະທິບາຍໃຫ້ຂ້າພະເຈົ້າຟັງວ່າ ໄລຟສະຕາຍ ແມ່ນ ການກິນ ການຢູ່ ຂອງອາຈານເອງຫັ້ນເດ ຢູ່ແບບໃດ ກິນແບບໃດ...ຂ້າພະເຈົ້າກໍເລີຍຕອບວ່າ ຢູ່ແບບເຈົ້າ ກິນກະກິນແບບດຽວກັນກັບເຈົ້າຫັ້ນລ່ະ...ຢາມຢາກກິນ ກໍກິນ ຢາມຢາກນອນ ກໍນອນ...ສະຫຼຸບວ່າ ຈະໄດ້ຄຳຕອບແນວໃດນໍ້ບາດເນ່ຍ...
...ຂ້າພະເຈົ້າຈະໃຊ້ຄຳໃນພາສາລາວວ່າ ຮູບແບບການໃຊ້ຊີວິດ ກໍແລ້ວກັນ ເພື່ອວ່າຂ້າພະເຈົ້າຈະສາມາດອະທິບາຍກັບຄົນອື່ນໄດ້ງ່າຍຂຶ້ນ...
...ໃຊ້ຊີວິດແບບງ່າຍໆ ສະບາຍ ສະບາຍ ເປັນຄຳທີ່ອະທິບາຍສະພາບຂອງຕົວເອງໄດ້ດີທີ່ສຸດ...
...ອັນດັບທຳອິດ ແມ່ນ ເລື່ອງການຫຼຸດຜ່ອນເວລາເຮັດວຽກວຽກລົງ ຍ້ອນວ່າ ບໍ່ມີຄົນຈ້າງ 😅 ...ໃນມຸມໜຶ່ງກະແມ່ນແທ້ເດ້ເນາະ... ຂ້າພະເຈົ້າໄດ້ຄົ້ນພົບວ່າ ການເຮັດວຽກທີ່ຫຼາຍເກີນຄວາມຈຳເປັນຂອງຊີວິດຕົວເອງ ເຮັດໃຫ້ຕົວເອງສິ້ນເປືອງພະລັງຊີວິດຫຼາຍເກີນໄປ...ເວົ້າໃຫ້ເຂົ້າໃຈງ່າຍ ແມ່ນ ພະຍາຍາມເຮັດວຽກໃຫ້ໜ້ອຍລົງ ໃນເລື່ອງເວລາ...ຕັ້ງໃຈເຮັດວຽກແບບເຕັມປະສິດທິພາບ ວັນລະ 3 ຊົ່ວໂມງ ເວລາທີ່ເຫຼືອໃນວັນນັ້ນກໍພັກຜ່ອນ...
...ເລື່ອງທີ່ສອງ ແມ່ນ ຕັ້ງໃຈຈະພັກຜ່ອນ ແບບເລື່ອຍໆ ບໍ່ລໍຖ້າໃຫ້ຮອດມື້ ຮອດຢາມ ເວົ້າໃຫ້ເຂົ້າໃຈງ່າຍຂຶ້ນແມ່ນ ວ່າງຢາມໃດ ກໍພັກຜ່ອນໄດ້ເລີຍ ບໍ່ຕ້ອງລໍຖ້າພັກຮ້ອນ ບໍ່ຕ້ອງລໍຖ້າໃຫ້ເມື່ອຍແລ້ວຈຶ່ງພັກ...ການພັກຜ່ອນກໍສະບາຍ ສະບາຍ ຕາມເງື່ອນໄຂ ແມ່ນ ອ່ານປື້ມທີ່ມັກ...ໄປທ່ອງທ່ຽວ...ເບິ່ງໜັງ...ຍ່າງ...ປັ່ນລົດຖີບ...
...ເລື່ອງທີ່ສາມ ແມ່ນ ຕັ້ງໃຈກິນໃຫ້ໜ້ອຍລົງ...ອາຍຸກໍຫຼາຍແລ້ວ ກິນມາກໍຫຼາຍປີແລ້ວ ຈະກິນໃຫ້ໜ້ອຍລົງ ແຕ່ກິນໃຫ້ຄົບສານອາຫານ ກໍເປັນທາງເລືອກໜຶ່ງ...ເຖົ້າມາແລ້ວ ການຍ່ອຍ ການດູດຊຶມສານອາຫານ ມັນກໍບໍ່ດີຄືເກົ່າ...Don't eat much but eat good ຢ່າກິນຫຼາຍ ແຕ່ກິນສິ່ງທີ່ຈຳເປັນຕໍ່ການໃຊ້ຊີວິດ...
...ສາມເລື່ອງນີ້ ກໍຄົງຈະເປັນໄລຟສະຕາຍຂອງຂ້າພະເຈົ້າ...ຄິດວ່າຖ້າໄດ້ເຮັດໄປແລ້ວ ມີຄວາມຈຳເປັນຕ້ອງໄດ້ປັບປ່ຽນ ກໍຈະປັບປ່ຽນໄປຕາມຕົວຈິງ ບໍ່ຍຶດຕິດຕາຍຕົວ ທຸກຢ່າງສາມາດປັບປ່ຽນໄດ້ຕາມຄວາມຈຳເປັນ...
...ເຮັດເລີຍ ຊີວິດຄົນເຮົາ ມັນສັ້ນຫຼາຍ...😇
ไม่มีความคิดเห็น:
แสดงความคิดเห็น