 |
| By Techin2018 |
...ການເປັນຜູ້ໃຫ້ຄຳແນະນຳທີ່ດີໄດ້ ຕ້ອງເຂົ້າໃຈຄວາມຮູ້ສຶກຂອງຄົນອື່ນ
ແລະຮູ້ວ່າຈະສື່ສານອອກມາແນວໃດຈຶງຈະແທດເໝາະ ເພື່ອໃຫ້ເຂົາເຈົ້າສາມາດຂ້າມຜ່ານຄວາມສັບສົນ
ຄວາມສະຫຼັບຊັບຂ້ອນຕ່າງໆ ທີ່ເກີດຂຶ້ນກັບຕົວເຂົາເຈົ້າໄດ້ຢ່າງມີປະສິດທິຜົນ...😊
...“ອາຈານ ນ້ອງໄດ້ໃຊ້ເວລາເກືອບສອງເດືອນ
ໃນການລົງໃຫ້ຄຳແນະນຳກັບຄູ່ຮ່ວມງານ ນ້ອງໄດ້ຖອດຖອນບົດຮຽນຮ່ວມກັບຜູ້ຮັບຄຳແນະນຳ
ກໍຖືວ່າໄດ້ບົດຮຽນຫຼາຍລ່ະອາຈານ ທັ້ງສິ່ງດີໆ ທັ້ງສິ່ງທີ່ນ້ອງຕ້ອງປັບປຸງຕົວເອງ”...
.... “ໂດຍ...ອາຈານກໍເຊື່ອວ່ານ້ອງຈະໄດ້ປະສົບການໃໝ່ໆ ທີ່ຈະເຮັດໃຫ້ນ້ອງໄດ້ເຕີບໃຫຍ່ທາງຄວາມຄິດແລະຈິດວິນຍານຂອງນັກພັດທະນາໄວໜຸ່ມ
ຄົນລຸ່ນໃໝ່”...
... “ເທືອທຳອິດນ້ອງກໍກັງວົນ ແລະ
ສັບສົນພໍສົມຄວນອາຈານ 😓...ໂດຍສະເພາະທີ່ອາຈານເຄີຍບອກໄວ້ວ່າ ການທີ່ຈະໃຫ້ຄຳແນະນຳຄົນອື່ນໄດ້
ຕ້ອງເຂົ້າໃຈຕົວເອງກ່ອນ ແລະຈຶງທຳຄວາມເຂົ້າໃຈເຂົາເຈົ້າ...ນ້ອງຮູ້ສຶກວ່າມີຄວາມໝັ້ນໃຈຫຼາຍຢາມຄິດຮອດຄຳນີ້
ຍ້ອນວ່າ ເຮົາຈະໄດ້ສະຕິມາແບບອັດຕະໂນມັດເລີຍອາຈານ...ກ່ອນນ້ອງຈະໃຫ້ຄຳແນະນຳກັບຜູ້ຮັບຄຳແນະນຳ
ນ້ອງກໍຈະຢູ່ງຽບໆ ຜູ້ດຽວຄາວໜຶ່ງ ແລ້ວກໍຕັ້ງໃຈ ບອກຕົວເອງວ່າ ເຮົາກຳລັງຈະເຂົ້າສູ່ບັນຍາກາດການຮຽນຮູ້ຮ່ວມກັບຜູ້ຮັບຄຳແນະນຳ...ເຮົາຕ້ອງເປັນຜູ້ຟັງທີ່ດີ...ເຮົາຕ້ອງເປັນຜູ້ຊ່ວຍໃຫ້ເຂົາເຈົ້າໄດ້ເຫັນທ່າແຮງຂອງເຂົາເຈົ້າ
ໂດຍການຕັ້ງຄຳຖາມ ແລະ ຊ່ວຍກັນແກ້ໄຂບັນຫາ”...
... “ໂດຍ...ມີຫຍັງທີ່ນ້ອງຄິດວ່າເປັນສິ່ງສຳຄັນທີ່ເຮັດໃຫ້ນ້ອງປະສົບຄວາມສຳເລັດໃນການໃຫ້ຄຳແນະນຳແຕ່ລະຄັ້ງທີ່ຜ່ານມາ”...
...👦 “ນ້ອງວ່າ ສິ່ງສຳຄັນແມ່ນເລື່ອງການສ້າງຄວາມເຊື່ອໝັ້ນໃຫ້ເກີດຂຶ້ນລ່ະອາຈານ...ເຮົາຕ້ອງວາງຕົວແບບເປັນກັນເອງ
ເປັນໝູ່ມິດ ບໍ່ວາງຕົວແບບຜູ້ທີ່ຈະໄປສອນເຂົາ
ແຕ່ວາງຕົວແບບໄປຮຽນຮູ້ນຳກັນ...ເປັນບາດກ້າວທຳອິດເລີຍອາຈານ...ເຮົາຕ້ອງເຊື່ອກ່ອນວ່າເຂົາເຈົ້າກະມີຄວາມຮູ້
ມີຄວາມສາມາດຢູ່ ພຽງແຕ່ວ່າຍັງບໍ່ຮອດຢາມ ຫຼືວ່າ
ຍັງບໍ່ມີຜູ້ຊ່ວຍຊີ້ແນະແນວທາງ...ຄິດໄດ້ແບບນີ້ ທ່າທີຂອງເຮົາກໍເປັນໝູ່ມິດແລ້ວ ອາຈານ” ...
... “ກໍສະແດງວ່າ ການສ້າງຄວາມເຊື່ອໝັ້ນໃຫ້ເກີດຂຶ້ນ
ຖືວ່າເປັນສິ່ງສຳຄັນເນາະ” ...
... “ແມ່ນລ່ະອາຈານ...ທັກສະຕ່າງໆ ທີ່ອາຈານໄດ້ບອກ
ໄດ້ສອນມານັ້ນ ຢາມເຮັດຕົວຈິງມັນກໍເປັນໄປແບບທຳມະຊາດເລີຍອາຈານ ແບບວ່າເປີດປື້ມທີ່ຮຽນມາບໍ່ທັນເລີຍລ່ະ
ວ່າທັກສະນີ້ເອີ້ນວ່າຫຍັງ ທັກສະນັ້ນໃຊ້ຢາມໃດ” ...ຮ່າຮ່າຮ່າ...
... “ການເກີດຂຶ້ນໂດຍທຳມະຊາດນັ້ນ
ກໍບໍ່ແມ່ນການເພິ່ງພາທຳມະຊາດພາໄປຕີ້ເນາະ...ອາຈານເຊື່ອວ່ານ້ອງເອງກໍຕ້ອງຝຶກຕົວເອງພໍສົມຄວນ” ...
... “ໂອ້
ແມ່ນແລ້ວອາຈານ ກວ່າຈະເປັນທຳມະຊາດໄດ້ນີ້ ຕ້ອງເຮັດຕົວຈິງ
ແລະຖອດຖອນບົດຮຽນຂອງຕົວເອງຫຼາຍເທືອ ມີການຈົດບັນທຶກ ມີການສົນທະນາກັບຜູ້ທີ່ມີຄວາມຮູ້
ຄວາມສາມາດ ແລະນ້ອງກໍມາທົບທວນເປົ້າໝາຍຂອງຕົວເອງອີກຫຼາຍເທືອເຈົ້າ” ...
... “ດີແລ້ວ
ການຝຶກທັກສະຢ່າງຕໍ່ເນື່ອງ ສະໝ່ຳມະເໝີ ເຮັດໃຫ້ນ້ອງສາມາດໃຫ້ຄຳແນະນຳໄດ້ຢ່າງເປັນທຳມະຊາດ...ເອີ້
ແນວທີ່ເປັນບັນຫາ ເປັນຄວາມທ້າທາຍໃນການໃຫ້ຄຳແນະນຳເດ້ ແມ່ນມີແນວໃດແດ່” ...
... “ແມ່ນເລື່ອງການສ້າງຄວາມເຂົ້າໃຈຮ່ວມກັນຕັ້ງແຕ່ບາດກ້າວທຳອິດເລີຍອາຈານ...ຕ້ອງເຂົ້າໃຈຮ່ວມກັນແທ້ຈິງວ່າສິ່ງທີ່ກຳລັງຈະເກີດຂຶ້ນນີ້
ແມ່ນຫຍັງ...ຍ້ອນຫຍັງຈຶງຕ້ອງມີວັນນີ້ ຕ້ອງທຳຄວາມເຂົ້າໃຈບ່ອນນີ້ກ່ອນ...ສ່ວນຫຼາຍເຂົາເຈົ້າຈະຄາດຫວັງໃຫ້ເຮົາບອກເຂົາເຈົ້າເລີຍວ່າຕ້ອງເຮັດແນວໃດ
ໂດຍບໍ່ຕ້ອງລົມກັນວ່າສິ່ງທີ່ເກີດຂຶ້ນແມ່ນຫຍັງ, ສາເຫດແມ່ນຫຍັງ,
ຜົນກະທົບທີ່ແທ້ຈິງແມ່ນຫຍັງ, ຄວາມຮູ້ສຶກຂອງຜູ້ມີສ່ວນກ່ຽວຂ້ອງແມ່ນຫຍັງ,
ປະສົບການທີ່ຜ່ານມາແມ່ນຫຍັງ...ມີຕະຊີເຮັດເລີຍ ຊີລຸຍແກ້ໄຂບັນຫາເລີຍ...ຊ່ວງນີ້ໃຊ້ເວລາລົມກັນ
ເພື່ອທຳຄວາມເຂົ້າໃຈຈະບວນການພໍສົມຄວນ...ເຮົາເອງກໍຕ້ອງໃຈເຍັນ ແລະ ທຳຄວາມເຂົ້າໃຈຄວາມຄາດຫວັງຂອງເຂົາເຈົ້າໄປນຳລ່ະ
ອາຈານ...ເຮົາຕ້ອງບອກສິ່ງທີ່ເຮົາສັງເກດເຫັນ ແລະບອກຄວາມຮູ້ສຶກຂອງເຮົາ, ບອກຄວາມຕ້ອງການຂອງເຮົາ
ແລະ ສະເໜີແນວທາງທີ່ຈະເຮັດຮ່ວມກັນລ່ະອາຈານ...ເລື່ອງນີ້ແມ່ນສຳຄັນຫຼາຍ”...
... “ໂດຍ ເລື່ອງອື່ນເດ” ...
... “ເລື່ອງເຕັກນິກສະເພາະດ້ານ
ແມ່ນບໍ່ຄ່ອຍມີບັນຫາຫຍັງດອກອາຈານ...ນ້ອງຮູ້ສຶກດີໃຈຢາມເຂົາເຈົ້າເຂົ້າໃຈເຮົາ
ວ່າເຮົາຕ້ອງການຫຍັງ
ແລະຕົວເຂົາເຈົ້າກໍສາມາດບອກຕົວເອງແລະຄົນອື່ນໄດ້ວ່າເຂົາເຈົ້າຕ້ອງເຮັດຫຍັງ
ສ່ຳນີ້ນ້ອງກໍຖືວ່າປະສົບຄວາມສຳເລັດແລ້ວໃນແຕ່ລະເທືອທີ່ໄດ້ໃຫ້ຄຳແນະນຳໄປເຈົ້າ” ...
... “ໂດຍ
ກໍຖືໄດ້ວ່າເປັນບົດຮຽນອັນສຳຄັນເນາະ ທີ່ນ້ອງໄດ້ໄປຫຼໍ່ຫຼອມຕົວເອງມາ ໄດ້ໄປຮຽນຮູ້ ແລະ
ພະຍາຍາມສືບຕໍ່ເດີ້...ເທືອໜ້າມີເລື່ອງດີໆ ມາແບ່ງປັນໃຫ້ອາຈານຟັງອີກເດີ້” ...
... “ໂດຍ ອາຈານ” ...
ไม่มีความคิดเห็น:
แสดงความคิดเห็น