...ຮອດມື້ສັນວັນດີ ວັນສຸດທ້າຍຂອງປີ ແລະ ວັນໃໝ່ຂອງປີ 2019 ກຳລັງຊີມາຮອດໃນເວລາອີກບໍ່ຈັກຊົ່ວໂມງຂ້າງໜ້ານີ້...
...ປີໃໝ່ອາດຈະເປັນມື້ດີໆ ຂອງຫຼາຍຄົນ ທີ່ຈະໄດ້ຕັ້ງຕົ້ນຊີວິດໃໝ່ອີກເທືອໜຶ່ງ...
...ບາງຄົນຜ່ານມາຫຼາຍປີ ກໍໄດ້ຕັ້ງຕົ້ນໃໝ່ທຸກປີ ເພື່ອຈະໄດ້ຮູ້ສຶກສົດໃໝ່ຢູ່ຕະຫຼອດເວລາ...
...ບາງຄົນກໍໃຊ້ເວລາໃນຊ່ວງປີໃໝ່ ເພື່ອທວນຄືນສິ່ງທີ່ຜ່ານມາ ແລ້ວວາງແຜນຕໍ່ໜ້າ ວ່າສິໄປໃຫ້ຮອດໄສ...
...ບາງຄົນກໍບໍ່ໄດ້ຮູ້ສຶກວ່າມີຫຍັງເປັນພິເສດສຳລັບປີໃໝ່ ຍ້ອນວ່າເປັນອີກມື້ໜຶ່ງທີ່ມີຊີວິດຢູ່ ບໍ່ໄດ້ແຕກຕ່າງຈາກມື້ທີ່ຜ່ານໆ ມາ...
...ບາງຄົນກໍຕັ້ງໃຈໃຊ້ຊີວິດແບບວັນຕໍ່ວັນ ມີເປົ້າໝາຍແບບວັນຕໍ່ວັນ ຍ້ອນບໍ່ຮູ້ວ່າມີອື່ນຈະໄດ້ຕື່ນຂຶ້ນມາຫຼືບໍ່...
...ບາງຄົນກໍຄິດວ່າ ຈະໃຊ້ຊີວິດແບບບໍ່ມີມື້ອື່ນ ມີແຄ່ຕອນນີ້ ພະຍາຍາມເຮັດໃຫ້ດີທີ່ສຸດ ມີຄວາມສຸກທີ່ສຸດ ທີ່ບໍ່ໄດ້ເດືອດຮ້ອນຜູ້ໃດ...
...ບາງຄົນໄດ້ທົບທວນວ່າ ຊີວິດນີ້ທຸກແທ້ໜໍ ເມື່ອແທ້ໜໍເກີດມາເປັນຄົນ ພະຍາຍາມຈະປົດວາງຄວາມທຸກດ້ວຍການປະຕິບັດທຳ ນັ່ງສະມາທິ ເຮັດບຸນ ປະຕິບັດຕົວແບບຕາຍກ່ອນຕາຍ ກໍມີ...
...ບໍ່ວ່າຈະຮູ້ສຶກແນວໃດ ແບບໃດ ໃນແຕ່ລະວັນຕ່າງກໍມີຄວາມໝາຍ ແລະ ມີຄຸນຄ່າສະເໝີ...ຄຸນຄ່າຂອງການໄດ້ມີຊີວິດຢູ່ ເພື່ອໄດ້ເຮັດສິ່ງທີ່ເຮົາຮັກ ເຮັດສິ່ງທີ່ເປັນປະໂຫຍດຕໍ່ຕົວເອງ ແລະ ຜູ້ອື່ນ ເປັນສິ່ງທີ່ທຸກຄົນສາມາດເຮັດໄດ້ຕະຫຼອດເວລາ...
...ບໍ່ວ່າເຮົາຈະຍຶດຖືເອົາສິ່ງໃດເປັນເປົ້າໝາຍໃນການໃຊ້ຊີວິດ ຕ່າງກໍມີຄຸນຄ່າໃນຕົວຂອງມັນເອງ ສຳຄັນຢູ່ບ່ອນວ່າ ຈະມີບາດກ້າວໃນການໄປຮອດເປົ້າໝາຍໄດ້ແນວໃດ ແລະ ເກັບກ່ຽວອາລົມ ຄວາມຮູ້ສຶກສຸກ, ມ່ວນໃຈ, ພຶງພໍໃຈ, ທີ່ເກີດຂຶ້ນແຕ່ລະຊ່ວງເວລາໄວ້ໄດ້ແນວໃດ...😍
...ມີຄວາມສຸກຕະຫຼອດປີເດີ້...
ไม่มีความคิดเห็น:
แสดงความคิดเห็น